Act 13 | Ndebele | STEP | Kwakukhona eAntiyoki ebandleni lapho abaprofethi labafundisi abathile , uBarnabasi kanye loSimeyoni othiwa nguNigeri, loLukiyu umKurene , loManayeni owayondliwe kanye loHerodi umtetrarki * , loSawuli .

1 Kwakukhona eAntiyoki ^a ebandleni lapho abaprofethi ^b labafundisi abathile ^c, uBarnabasi ^d kanye loSimeyoni othiwa nguNigeri, loLukiyu ^e umKurene ^f, loManayeni owayondliwe kanye loHerodi umtetrarki* ^g, loSawuli ^h. 2 Kwathi bekhonza iNkosi ⁱ bezila ukudla ^j, uMoya oyiNgcwele wathi: Ngehlukaniselani oBarnabasi kanye loSawuli ^k emsebenzini engibabizele wona ^l. 3 Sebezile ukudla ^m bakhuleka ⁿ babeka izandla phezu kwabo ^o, babathuma ^p.

USawuli utshumayela eKuprosi

4 Bona-ke sebethunyiwe nguMoya oyiNgcwele ^q, behlela eSelukiya, basuka lapho baya eKuprosi ngomkhumbi ^r. 5 Kwathi sebefikile eSalamisi, batshumayela ilizwi likaNkulunkulu emasinagogeni amaJuda ^s; njalo babeloJohane umsizi ^t. 6 Kwathi sebedabule isihlenge bafika ePhafosi ^u, bafica isanuse esithile, umprofethi wamanga, umJuda, obizo lakhe nguBarjesu ^v, 7 owayelombusi uSergiyu Pawuli ^w, indoda ehlakaniphileyo. Lo wabizela kuye uBarnabasi loSawuli edinga ukuzwa ilizwi likaNkulunkulu. 8 Kodwa isanuse, uElimasi, ngoba liphendulelwa njalo ibizo lakhe, waphikisana labo ^x, edinga ukuphambula umbusi ekholweni ^y. 9 Kodwa uSawuli, onguPawuli futhi, egcwele uMoya oNgcwele ^z, njalo emjolozela ^aa 10 wathi: O wena ogcwele inkohliso yonke lobuqili bonke ^ab, ndodana kadiyabhola, sitha sakho konke ukulunga ^ac, kawuyekeli ukuphambula ^ad indlela eziqondileyo zeNkosi yini ^ae? 11 Njalo khathesi khangela, isandla seNkosi siphezu kwakho, njalo uzakuba yisiphofu ^af, ungaliboni ilanga okwesikhathi ^ag. Kwahle kwamehlela ukufiphala lobumnyama, wahamba ebhoda edinga abazamdonsa ngesandla ^ah. 12 Ngalesosikhathi umbusi wabona okwenziweyo wakholwa, edidwa yimfundiso yeNkosi ^ai.

UPawuli utshumayela eAntiyoki lePisidiya

13 UPawuli lababelaye ^aj basebesuka ngomkhumbi ePhafosi ^ak bafika ePerga ^al esePamfiliya. Kodwa uJohane ^am wehlukana labo ^an wabuyela eJerusalema ^ao. 14 Kodwa bona bedabula besuka ePerga ^ap, bafika eAntiyoki ^aq esePisidiya ^ar; ngosuku lwesabatha ^{as
,} ^at basebengena esinagogeni ^au, bahlala phansi. 15 Kwathi sekufundwe umlayo ^av labaprofethi ^aw, abaphathi besinagoge bathumela kubo ^ax, besithi: Madoda bazalwane, uba kulelizwi ^ay phakathi kwenu lenkuthazo ebantwini ^{az
,} ^ba, khulumani. 16 Kwathi uPawuli esukuma, njalo eqhweba ngesandla ^bb, wathi: Madoda maIsrayeli, lani elesaba uNkulunkulu, lalelani ^bc. 17 UNkulunkulu walesisizwe sakoIsrayeli ^bd wakhetha obaba bethu ^be, wabaphakamisa abantu bengabemzini elizweni leGibhithe ^bf, wabakhupha kulo ngengalo ephakemeyo ^bg. 18 Wasebekezelela isimilo sabo okungaba yisikhathi seminyaka engamatshumi amane enkangala ^bh. 19 Njalo esechithile izizwe eziyisikhombisa elizweni leKhanani ^bi, wabehlukanisela ilizwe labo ngenkatho ^bj. 20 Lemva kwalezizinto, okungaba ngokweminyaka engamakhulu amane lamatshumi amahlanu ^bk, wabanika abahluleli ^bl kwaze kwaba nguSamuweli umprofethi ^bm. 21 Njalo kusukela lapho bacela inkosi ^bn; uNkulunkulu wasebanika uSawuli indodana kaKishi ^bo, indoda yesizwe sakoBhenjamini ^bp, okweminyaka engamatshumi amane. 22 Njalo esemkhuphile ^bq, wabavusela uDavida waba yinkosi ^br, afakaza langaye ngokuthi: Ngimtholile uDavida kaJese ^bs, indoda ngokwenhliziyo yami ^bt, ezakwenza intando yami yonke ^bu. 23 Enzalweni yalumuntu ^bv njengesithembiso ^bw, uNkulunkulu uvusele uIsrayeli uMsindisi uJesu ^bx; 24 engakafiki yena uJohane wayesetshumayele kuqala ^by ubhabhathizo lokuphenduka kubo bonke abantu bakoIsrayeli ^bz. 25 UJohane esegcwalise uhambo lwakhe ^ca, wathi: Licabanga ukuthi ngingubani? Kangisuye mina; kodwa khangelani, emva kwami uyeza, engingafanelanga ukukhulula amanyathela enyawo zakhe ^cb. 26 Madoda bazalwane, bantwana bohlanga lukaAbrahama, lalabo phakathi kwenu abesaba uNkulunkulu ^cc, lithunyelwe kini ilizwi lalolusindiso ^cd. 27 Ngoba labo abahlala eJerusalema lababusi babo ^ce kabamazanga lo, bawagcwalisa lamazwi abaprofethi ^cf afundwayo isabatha ngesabatha ^cg, ngokumlahla ^ch; 28 njalo bengatholi lacala lokufa, bacela kuPilatu ukuthi abulawe ^ci. 29 Kwathi sebeqedile konke okulotshiweyo ngaye ^cj, bamethula ^ck esihlahleni ^cl, bamlalisa engcwabeni. 30 Kodwa uNkulunkulu wamvusa kwabafileyo ^cm; 31 owabonwa insuku ezinengi yilabo ^cn ababenyukele laye ^co ukuya eJerusalema ^cp besuka eGalili, abangabafakazi bakhe ebantwini ^cq. 32 Lathi sitshumayela indaba ezinhle kini zesithembiso esenziwa kubobaba ^cr, 33 ukuthi uNkulunkulu usigcwalisile sona kithi, abantwana babo, emvusile uJesu ^cs, njengoba kulotshiwe futhi kusihlabelelo sesibili ukuthi: Wena uyiNdodana yami, lamuhla mina ngikuzele ^ct. 34 Njalo ngokuthi wamvusa kwabafileyo ^cu, engasayikubuyela ekuboleni ^cv, wakhuluma kanje wathi: Ngizalinika izibusiso ezingcwele lezithembekileyo zikaDavida ^cw. 35 Ngakho njalo kwenye indawo uthi: Kawuyikunikela oNgcwele wakho abone ukubola ^cx. 36 Ngoba uDavida, esekhonze esakhe isizukulwana ngecebo likaNkulunkulu walala ^cy, njalo walaliswa laboyise ^cz, wabona ukubola ^da; 37 kodwa lowo uNkulunkulu amvusayo, kakubonanga ukubola ^db. 38 Ngakho kakwaziwe yini, madoda bazalwane, ukuthi ngalowo kutshunyayelwa kini ^dc uthethelelo lwezono ^dd; 39 njalo kulo wonke okholwayo ^de uyalungisiswa kukho konke ^df ebelingelungisiswe kukho ngomlayo kaMozisi ^dg. 40 Ngakho qaphelani ukuthi kalehlelwa yilokhu okwakhulunywa kubaprofethi ^dh, okokuthi: 41 Khangelani, zideleli, njalo limangale, litshabalale; ngoba mina ngenza umsebenzi ensukwini zenu, umsebenzi elingasoze lawukholwa, nxa umuntu elilandisela ^di.

Ilizwi lemukelwa ngabezizwe liphikwa ngamaJuda

42 Kwathi ekuphumeni kwamaJuda esinagogeni ^dj, abezizwe bacela ukuthi lamazwi akhulunywe kubo ngesabatha elilandelayo ^dk. 43 Kwathi abesinagoge sebephumile, abanengi kumaJuda labakhonzayo ^dl abaphendukela kumaJuda balandela uPawuli loBarnabasi ^dm; abakhuluma labo, bebancenga ukuthi bahlale ^dn emuseni kaNkulunkulu ^do. 44 Kwathi ngesabatha elilandelayo babuthana kwaphose kwaba ngumuzi wonke ukuzwa ilizwi likaNkulunkulu. 45 Kodwa amaJuda ebona amaxuku agcwaliswa ngomona, aphikisa izinto ezakhulunywa nguPawuli ^dp, ephikisa njalo ehlambaza ^dq. 46 Kodwa uPawuli loBarnabasi bekhuluma ngesibindi ^dr bathi: Kwakudingeka ukuthi ilizwi likaNkulunkulu likhulunywe kini kuqala ^ds; kodwa njengoba lilinina ^dt, njalo lizigweba ukuthi alifanelanga impilo elaphakade ^du, khangelani, siphendukela kwabezizwe ^dv. 47 Ngoba iNkosi isilayile ngokunjalo yathi: Ngikumisile ube yikukhanya kwabezizwe, ube ngowosindiso kuze kube semkhawulweni womhlaba ^dw.

48 Kwathi abezizwe bekuzwa bathokoza, basebelidumisa ilizwi leNkosi, basebekholwa bonke ababemiselwe impilo elaphakade ^dx; 49 lelizwi leNkosi lasatshalaliswa elizweni lonke. 50 Kodwa amaJuda avusa ^dy abesifazana abakhonzayo ^dz abadumileyo ^ea lezikhulu zomuzi ^eb, avusela uPawuli loBarnabasi ukuzingelwa, abaxotsha emikhawulweni yawo ^ec. 51 Kodwa babathintithela uthuli lwenyawo zabo ^ed, bafika ^ee eIkoniyuma ^ef. 52 Njalo abafundi bagcwaliswa ngentokozo ^eg loMoya oNgcwele ^eh.